Vercheerti Wält. Es hed Zytte geh, do hed der Baadmäischter d Fraue, wo d Büppli an d Sunne ghänkt häi, zääme gschisse, sy selle gfelligscht s Ooberdäil vom Bikini wiider aalegge. Die Zytte sy umme. Jetz darf jeedi, wenn sy denn will, in der Baadi ihri Brüscht offe präsentiere. Ganz anderscht gohts im Frauebaad Eglisee z Basel, em «Fraueli», zue und hääre. Dört wärde die, won e Gankörperbaadaazug aahäi, aso käini Büppli zäige, us em Wasser gholt. Jetz cha me sich natüürlig frooge, was ästhetischer isch: Die, wo ihres schwapplige Ghänk offe löie lo bambele oder die, wo ihri Runzle under emene Ganzkörperbaadaazug verstecke.
Büppli = weibliche Brust
bambele = baumeln
