Käini Bräschten und käi styffe Näcke me. Wien ich das geschafft ha? Ganz äifach. Ich ha all das gmacht: Shiatsu, Wiirbelsüüle-Basis-Usglyych, Yoga, Aroha, Kaha, Ruggetraining, Bodytoning, Faszientraining, Zumba, CrossFitness, Lava-Shell-Massage, Chrüttertherapie, Akupunktur, Tuina-Massage, Schröpfe, chalti Wiggel, Hydrotherapie, weschtligi Phytotherapie, Fuessreflexzoonemassage, Quigong, Kempo, Bruschttee drinke, Pilates, vill Fääderechöhl gässe und non e baar Sache, won ich scho wiider vergässe ha. S äinzig, wo mi ammen e chlyy aagsträngd hed, isch gsii, as ich mi ha mööge bsinne, weeli Üebig ich an weelem Kurs ha müese mache.
Bräschte = Gebrechen
Näcke = Nacken
