Scho as Bueb ischs wichtig gsi, der rächt Momänt z verwütsche. Denn nämmlig, wenn mer drottinettlet und agee häi wie die Verruckte. Underäinisch, wenn d Knickerbocker-Hoose im Wind häi afo flattere und mer der Chnöischnäpper überchoo häi, häi mer gwüsst, jetz sy mer z gläitig underwäggs. Doo hed me müese schuurig ufbasse, as me ebe der rächt Momänt zum Apsprung verwütscht hed. So wies usgseht, isch das Wüsse hützedags däilwyys e chlyy verloore gange. Numme soo cha me sich erklääre, das e FIFA-Breesi, aber au Politiker in öisem Kanton, Fraue wie Manne, nit der rächt Momänt für e suuberen Apsprung verwütscht häi oder verwütsche.
drottinettle = Trottinett fahren
Chnöischnäpper = Knieschlottern
hützedags = heutzutage
