«Bi der Staatsrächnig mues me sich käini gröössere Soorgge mache, as me sich bis jetz gmacht häigi», hed der Baselbieter Finanzminischer, allem aa im Momänt e chly öises Soorggechind, emene Schryyberling die letscht Wuchen in d Fäädere dikdiert. Besser weri natürlig, me müesti sich gar nümm soorgge. Grad esoo, wie mi albe d Mueter berueigt hed, wenn ich as Pfüderi e bööse Draum ghaa haa und si mi in d Arme gnoh hed. Jetz cha natüürlig der Baselbieter Seckelmäischter nit alli in d Arm neh, wo Soorgge häi. Drum längts, wenn är säit: «Bi der Staatsrächnig…»
Chumber = Sorge
allem aa = anscheinend
Pfüderi = Kosewort für Kleinkind
