D Handheebi fehli halt, hed öisi Baselbieter Bildigsminischtere gsäit, wenn sich zwee Schützligbuebe wäigere, der Lehrere d Hand z geh. Si müesi zerscht go noochefrooge, öbbs nöimen inere Schublaaden e Veroornig geebi, wos Handschüttle in der Schuel reegli. No besser sygis allwääg, me döigi e Spezial-Kommission ysetze, wo der Sach uf e Grund giengi. Jetz gits aber deere, wo sääge, äigedlig syg alles scho lengschtens klaar und suuber ufnotiert, wie me sich in der Schuel ufzfüehre häigi. D Minischteren us Hölschte mües halt jetz so gschwind as mööglig in alle Schublaaden ummenöise. Irgendnöime sygi das Bapyyr sicher.
Handheebi = gesetzliche Grundlage
Schützligbuebe = pubertierende Knaben
