As öbbs non e Bewyys bruucht hätti. Ich säägsch jo scho lang: Manne, döit öich nass rasiere. Au d Hohr uf em Niss. Halt schöön süüferlig mit e huffe Schuum, wo me mit em Rasierbämsel gattlig uf der Chürpse verdäilt. Denn, vorsichtig mitemene schaarpfe Rasiermässer e gründligi Schaabede mache, bis käis Höörli me stoht. Wies uusechunnt, wenn de für die Schaabede en elektrischi Hoorschnyydmaschiine nimmscht, hed me jo die letscht Wuche chönne lääse: Underäinisch stoht d Tschuugerei vor der Huusdür und löst Bombenalarm uus.
Niss oder Chürpse = Kopf
Rasierbämsel =Rasierpinsel
schaarpf = scharf
Schaabede = Rasur
