In der Diskussion um verruckt gsunds Superfood isch bis jetz äis Gmües vergässe gange: S Roonechrutt. Jetz isch das Chrutt nämmlig nooche. Me mueses numme finde. Derfür mues men in Wald und d Augen e chly offe haa. Nääben allem andere, wo s Roonechrutt so gsund macht, ischs au no soumeessig scharf, wenn me drufbysst. Und as bsundrigi Überraschig brennt das Chrutt, noodäm mes gässe hed, nooneme Rung grad no äinisch. Meh säägi nit. Do müesed dir sälber druufchoo.
Superfood = Lääbesmittel wo, so wie me säit, gstöört gsund sy. Erfunde worden isch Superfood vo Hipster-Chöch. Jo die, mit de lange Bärt und tätowierten Ärm.
Roonechrutt = Aronstab
