D Haase sy im Wääg. Es goht zwar non e Rung, aber d Lampiohre sy äinewääg im Wääg. Worum dä Zwiirpel? Im Johr 2022 sell bi de Chrüüselbeerischnitzer unde s äidgenössisch Schwingerfescht duuregfüehrt wärde. Und usgrächnet dört uf deere Matte, wo sett gschwunge wäärde, hets Fäldhaase. Guet. Ich cha die Haase verstoh. Stelled öich vor, dir häits öich dehäi, zääme mit der Liebschte, grad so z grächtem gmüetlig gmacht. Denn chunnt äin yyne und ströit Saagmähl uf e Stubeboode. Drufaabe chömme zwee Halbwildi und nähme sich am Grind, as s Saagmähl nummen esoo duur d Stube chutted. Ebe. Aso ich wett käi Haas z Aesch unde syy.
Zwiirpel = Aufregung
Chrüüselibeerischnitzer = Übernahme für die Bewohner von Aesch