Äntlig, äntlig, hed mes uusegfunde: Fääderechöhl isch soumeessig gsund. Halt ebe Superfood. Ahaa. Das han ich jetz nit gwüsst. De Chöhl gits jo au erscht sit e baar Johr. Oder emäänd doch nit. Äinewääg. Es isch halt immer guet, as so gschyydi Lüt git, wo Sache, wos äigedli scho lang git, as öbbis Nöis verchauffe. Aber: Blööd sy jo nit die, wo öbbis Alts für düürs Gäld as öbbis Nöis under d Lüt bringe. Blööd sy scho eenter die, wo vill Gäld usgääbe für öbbis Nöis, wos scho lang git.
Superfood = Isch natüürlig nit würklig Baselbieterdütsch. Aber aaschyynend säit me hütte soo, wenn öbbi soumeessig gsund isch
Fääderechöhl = Grünkohl
