Der Baselbieter Kantonsingenieur mues, sell, chaa, dörf…! Also, no äinisch. Der Baselbieter Kantonsingenieur mues goh. Aargg. Aber no schlimmer isch, as jetz deere git, wo sääge, d Baselbieter Verchehrsminischtere häig ihre Laade nit im Griff. Jä nundefaane. Mues die armi Hutte denn für alles luege. Die hed gwüss gnueg anderi Brobleem. Bis am Apstimmigssunndig isch sy zum Byspill für e zwöiti Gotthardröhre umme gwäibled. Do hed doch das Huuscheli nit no Zytt, jeedem Schluufi uf ihrer Diräkzioon uf d Finger z luege.
aargg = schlimm
wäible = eilfertig und auf Geheiss anderer in der Gegend umhergehen
Huuscheli = bemitleidenswerte Frau
Schluufi = nachlässiger Mann
