D Sissecher mööge lenger – ämmel wenns um d Fasnecht goht. Sy föngen am Sunndig aa und hören am Dunnschtig, oder besser gsäit am Frytigmoorgge noo der Chluuriverbrennig, wiider uf. Das mit der Chluuriverbrennig macht me z Sissech scho sit über 80 Johr. Und doch gits immer no Stedter, wo nit wüsse wie me richtig säit: Der Chluuri? Das Chluuri? Die Chluuri? Es isch ganz äifach: Me säit s Chluuri. Jetz wohne mir scho so lang nääbenenand und wüsse so weenig von enand – wie zum Byspill ebe vom Chluuri. Es längt ebe nit 80 Millione Franke Entwickligshilf z läischte. Me sett au wüsse, wies in däm Entwickligsland zue und hääre goht.
Chluuriverbrennig: 1933 in Sissach eingeführter Brauch zur Beendigung der Fasnacht
Chluuri = hässliche Fasnachtfigur in alten Kleidern
