Schwiirig, schwiirig, das mit der Mundart. E riisen Uufreegig: Mache d Lääde z Basel jetz dicht oder zue? Wohrschyynlig beedes. Dicht?! Joo, in öisere Mundart, aso vo deeren im Ooberbaselbiet, gits s Wort dicht nit. Ämmel früener. Me ummschryybts zum Byspiil esoo: bheeb, verschwalle, dickhöörig oder hächligedick. Nummen eso schwätzt fascht niemer me. Verzellt my Göttibueb öbbis vo syne Kollege, won er nit so maag, säit är: «Die sy doch nit ganz dicht.» Är schwätzt halt nümme wie sy Groossvatter vor 100 Johr. Drumm: Au wenn d Bebbi nit „zue“ sääge, häisst das no lang nit, as sy nit dicht sy.
bheeb = dicht verschlossen
verschwalle = dicht machen eines Gefässes
dickhöörig = dicht beharrt
hächligedick = dicht gedrängt
