«Ich has jo immer gsäit», brummled der Noldi vom Chlöpfgatter-Hof. Sy Noochber, der Guschti vo der Stotzhalde, hed ihm zuedräit, as uf em Buurehof vom Schnee-Chratte-Joggi bi de Schööfferzäinen ääne der Döiggeler loos sygi. Der alt Güggel, wo bim Schnee-Chratte-Joggi scho sit mängem Johr der Hüehnerstall underopsi miechi, läärmidieri sit e baar Wuche wien e Gstöörten im Züüg umme. Für e Noldi isch klar: «Wie älter as die Güggel wäärde, wie kuurliger wäärde sy.»
Schööfferzäine = Übername für die Thürner
Döiggeler = Teufel
läärmidiere = lärmen
kuurlig = eigenartig
