Jahresarchiv: 2015

Näi, nit Määre, Bysszange, Chleechüeh, Gschiirlyysi, Pfluentsch, Regäntene, Mätze, Flunguure, Joomerchreeze, Pfluentschi, Soumoore, Gäggsnase, Tschuppellyysi oder gar emänd Lueder häi mir Baselbieter s letscht Wuchenändi in Nazionaalroot gwehlt. Näi. Mir schicke föif gstandeni Wyybervölcher uf Bärn. Jetz sell emol äin sääge, mir Buurerammel syge nit fortschrittlig. Määre = böse Frau Bysszange = keifende Frau Chleechueh […]

Die Woche isch mer wiider äinisch meh klaar worde, wie wichtig as isch, as d Lääbesmittel richtig aagschriibe sy. Zum Zmidaagässe, my Frau hed e gattlige Wämpe Fläisch gmacht, hets Chrütteranke gee. Won ich d Verpakig vo däm Anken nööcher aagluegt haa, han ich chönne lääse: „Kräuterbutter mit Kräutern“. Ou, han ich dänkt. Jetz bin […]

Wenn sy Rüebchöhl, Grumpiiren oder Sellering schwyzerisch? Guet, wärdet der sääge: He dänk, wenn sy in der Schwyz wachse. Han ich bis jetz au gmäint. Aber die vom Schwyzerische Buureverband sy do ganz anderer Mäinig. Dued nämmlig e Schwyzer Buur z Dütschland äänen e Fuure Gällerüebli undere, chan är die noochaane glych no as Schwyzer […]

Es isch halt mängsmool schon e chly Gfell, as mes zgrächtem bräicht, wenn me Baaselbieter Mundart schrybt. Soo chunnts mer ämmel vor, won ich das Dranschbaränt glääse ha vo dene drei volksverbundnige Baaselbieter Nazionaal-rootskandidate: „Meh liefere statt lafere“. Äigedlig säägen und schryybe mir Ooberbaaselbieter liifere und nit liefere. Halt esoo, wies Volch bi öis schwätzt […]