Jetz häissts immer, d Baselbieter Regierig syg nit wyttsichtig. Do hed aber d Vercheersminischtere letschti Wuche s Geegedäil bewiise. Si hed, under anderem eskortiert vom Diräkter vo der Baselbieter Wirtschaftschammere, wo jo fascht allewyyl derby isch, wenn d Minischteren ufdritt, über d Voordäil vonere zwöite Gotthardröhre barliert. Fascht schon e chly wien e Wohrsäägere – oder wie anderi gmäint häi, e Määrlidante. Jetz isch jo bekanntlig der Bou vo deere Röhre daas groosse Brobleem, wo mer im Baselbiet im Momänt häi. Aber Achtig geh. Wenn me z fescht in d Wytti luegt, isch nämmlig d Gfohr grooss, as men underäinisch d Brobleem, wo in der Nööchi ligge, us den Auge verliert.
barlieren = gescheit reden
Achtig geh = Aufgepasst
Wohrsäägere = Wahrsagerin
