Schröcklig. Jetz ischs duss. Ässisch e Brootwurscht oder e Chlöpfer vom Grill, wirsch muuderig. Schlimmer. De chunnsch Chräbs über und verrääblisch eeländig. D Vegaaner juuchzgen und sääge: Mer häis jo scho immer gsäit. Jetz gits numme no äis. Jeede, won inere Bäiz e grillierti Wurscht isst, wird separiert. Für das mues ab sofort jeede Spunte nääben em Fumoir au es Wurschtoir haa. So isch sichergstellt, as alli, wo zum Byspiil es Tofugschnätzlets anere Höiblueme-Sossen ässe, nit vo de Wurscht-Kanibaalen aagsteckt wärde.
muuderig = kränkeln
verrääble = krepiern
juuchzge = jauchzen
