D Sissecher sy as äinzigi, nääben e baar andere wiiderborschtige Gmäinde, stettig bliiben und häi s Erschtaugschte-Füürwärch und alli andere Füür verbotte. Käini Rageete, käini Lufthüüler, käini Sunnereedli, käini Glüet, wo me drüber cha der Chlöpfer bröötle. Alles, oder ämmel fascht alles, isch rueig bliibe. Nummen in den Noochberdörffer isch wie gwoont der Düüfel loos gsii. Dört hets tätscht und gkchlöpft. Iich has aber dene stekckchöpfige Sissecher Gmäinirööt zäigt und hinder em Huus, 43 Päkchli Bengaalischi Zündhölzli, äis Hölzli ums ander, verfüürt.
stettig = stur
stekchchöpfig = stur
