Nääme miir emoll aa, diir häit e Blindschlyychen as Huusdier. Diir fuered das Dier mit Bettsäicher, Höigumper, Chääfer, Räägewürm, Umpäisse und e huffen andere Vyycher. D Blindschlyyche wird alsfott grösser und dikcher, und diir müesed scho glyy uf Büchsenaarig umstelle. Denn bassierts: D Blindschlyyche schlyycht bii Nacht und Nääbel ap, verwütschd im Garte vom Noochber e Chatz und verchnütscht dä Rälli z chruttefätze. Das isch miir z Sinn choo, won iich uf öisem Pflanzblätz zum iggste Mool e dreidäilti Blindschlyyche gfunde haa.
Bettsäicher = Kellerassel
Umpäisse = Ameise
verchnütsche = zermalmen
iggste Mool = unzählige Male
