Ou, ou, ou. Das verdräit der Noldi vom Chlöpfgatterhoof gaar nit. Jetz hed sich doch der eehemoolig Baaselbieter Säkchelmäischter in der Baaselbieter Zyttig – die us em Aargau – gfroggt, öb miir biim spaare glyych schytterig syyge, wie d Grieche. Jetz, wo me wüssi, as miir die nächschte Joor der Gurt müesen änger schnalle. Jä nundefaane. Wers ächt nit besser gsii, är hätt sich das gfroggt, won är non am Rueder gsii isch, hed der Noldi gchuudered. Aber velicht het de Sakchermänter us Lieschtel jo gwüsst, was uf öis zue chunnt. Will men iin aber sälbetsmool wääge der Honoraar-Affääre soumeessig verukcht gmacht hed, hed är allwääg dänkcht, er bhaltis für sich.
Säkchelmäischter = Finanzdirektor
schytterig = schlecht
chuudere = poltern
Sakchermänter = gewiefter Bursche
