Prezzys wääge däm häi miir öisi Landröötenen und Landrööt gweelt. Will sii über alles beschtens Bschäid wüsse – oder ämmel esoo döie, as cheemte sii druus. Wenn me nämmlig liist, was die zue dene 132 verschiidene Spaarvoorschleeg vo der Regierig sääge, wäiss me: Miir häi oobenewägg 132 Siibesieche. (Faue, diir häit für äinisch Gfell, die wyybligi Form für Siiebesieche gits nit. Das bedüted aber nit, as under öich käini deere git). Item. Jetz müese die Hirschen aber ufpasse, as die vor luuter Dischgeriere nit vergässe, um was as äigedlig goot: Myyni Liebe. Es goot ums Spaare.
Siibesieche = überaus intelligente Mensche
oobenewägg = mindestens
Gfell = Glück
