Hinder jeeder Frau stoot e starke Maa – oder isch s emäänd grad anderscht umme? Äinewääg. Soo wies uusgseet, stoot allwääg hinder der Scheffyn vo der Baaselbieter Bou- und Umwältdiräkzioon e ganzi Glygge, wo der guete Frau Furzideen ins Oor chüschelet. Numme soo cha me sich s erklääre, as sii jetz voorschloot, d Subvenzioonen ans Umwält-Abi z stryche. Aber woorschyynlig chönne sich die Chüscheler au nümm zrugg bsinne, was iiri Scheffin vor vier Joor gsäit hed – das jetz dütsch und dütlig: «Regierungsrätin Sabine Pegoraro ist klar der Meinung, dass eine Änderung des Finanzierungssystems nicht zu Lasten der U-Abo-Besitzer gehen darf.»
Glygge = Klüngel
chüschele = flüstern
