Das isch prezyys daas, wo der Noldi vom Chlöpfgatterhoof nit verstoot. Jetz hed der Seppedooni vom Blatterchäärnelhoof, wo nääbenyyne sit über 40 Joor Breesidänt vo der Ooberhüügerlibäärgg-Milchgnosseschaft isch, der Huet gnoo. Jetz, won är grad letschti Wuchen an der Gnosseschafts-GV zum föifte Mool zum Breesi gweelt worden isch, gheit är äifach der Bättel aane. Guet. Me hed jo immer wiider im Doorff ghört, as der Seppedooni bim Milchwäägen in der Cheesi e chlyy bschysse würdi oder au der äint oder ander Gutsch Wasser in d Milch gmischt heebi. Aber nundefaane: das isch doch in der hüttige Zytt käi Grund zruggzdrätte.
Seppedooni = Josef
chüschele = tuscheln
