Ahaa: „Schweizer wollen Schweizer Nahrungsmittel auf dem Teller.“ Soo stoots ämmel in der Zyttig. Uusechoo isch daas binere Umfroog, wo d Zürcher Bäizer duuregfüert häi. Äigenartig. Jetz seckle Wuchenänd für Wuchenänd hundertduusig Schwyzer Chnuppesaager über d Gränzen ins Schwoobeland oder uf Frankchryych, numme will dört der Schungge, s Chuevoorässe oder Chüttenegallere billiger isch. Dehäi wäi sii aber in de Bäize Yyhäimischs uf em Däller – und daas sälbverstäntlig erscht no zu Bryyse wie bii de Dütsche.
Chnuppesaager = Geizkragen
Voorässe = Ragout
Chüttenegallere = Quittengelée
