«S Boot isch voll». Aber nit wääge däm syn e baar Baasler (CH) und Riechemer (CH) Volchsbarteiler uf iirer «Donna Anna» fascht undergange. Irgend son e Laaferichäib hed nämmlig denen ufrichtigen Äidgenosse (CH), wo uf der Faart zum Znachtässe in Yachthaafe Weil (D) underwäggs gsii sy, Wasser in Tank gfüllt. Wär wäiss. Velicht isch dä Panscher e Baasler Wiirt, wo schurig bööslächtig isch, as die vo der Volchsbartei (CH) duraane breedige, me sell in der Schwyz (CH) und nit im Ussland (D, I, F…) yychauffe oder go Znachtässe. Und jetz isch däm Bäizer d Gallen ufechoo wääge deene faaneflüchtige Badriotte (CH), wo Wasser (CH) breedige und Wyy (D) drinke – halt e chlyy wie Muschter ooni Wäärt.
Muschter = Vorbild
bööslächtig = böse
