D Schwyzer wäi also zuekümpftig mit dän Öschtryycher zääme chriegerle. Glyy, iich gsees choo, wärde d Däätel vo deene beede Länder mit de glyychlige Kchabutt, Chäppi und Gyygechäschten in der Wältgschicht ummetschalppe. Das gmäinsaame Soldääterlis machen isch jo guet und rächt. Was aber vill wichtiger weer, isch, as men au in der Chuchi zääme schafft. Käini fettige Fotzelschnitte, geedrige Chueringgel oder halbraui Chuttle me. Derfür Powideltascherl, Kaiserschmarrn und Kaspressknödel.
chriegerle = Krieg spielen
Däätel = Soldaten
Kchabutt = Soldatenmantel
Gyygechäschte = Militärschuhe