Es sy die churze Noochrichten in der Zyttig, wo öiseräis so rootloos mache. Zum Byspiil die: „Tourist stirbt in Zürich durch Stromschlag“. Ou, dänkchsch. Äimool mee. D Schwyz isch nit gaschtfründlig. Bii öis wäärde Gäscht elekchtrisch uffglaade. Wenn de wytter liisisch, stoot in der Noochricht aber, as e 33-jöörige Rumään uf e Lokchematyyf gchläädered isch, derbyy an d 15000-Volt Faarläitig choo und abem Stroomschlaag gstorben isch. Druurig isch daas. Es zäigt aber au, as me binere Zyttigsmäldig nit numme sett d Überschrift lääse.
vermälde = melden
öiseräis = unsereins
Lokchematyyf = Lokomative
