Sääge miirs emol esoo: Die däägligi Aaliiferig vo der Boscht isch groosse Schwankigen underworffe. Äimool chunnt sii früener, denn wiider spööter. Beitisch zum Byspill uf e bsundrige Brieff oder uf die lokaali Zyttig, cha äim die Waarterei der letscht Näärv uusrysse. Uf der andere Sytte: Daas mit de Soomebrieffli hed beschtens batted. Die sy duzwytt im Brieffchaschte glääge. Ahaa, diir häits nit gwüsst. Öisi Boscht hed nämmlig sit nöischtem Bluemesoomen im Sortimänt. Isch ächt daas der Grund, as d Boscht öbbenyyne so spoot chunnt? Will alli Böschtler im Gaarten am Jätte syy?
Soomebrieffli = Samentüte
beite = warten
