„D Ratte verlöie s sinkende Schiff“. Das Sprichwort chunnt äim in Sinn, wenn me gseet, wie alsfott mee Grüeni über Bord gönge. Derbyy zäigt sich jo graad denn, wenn äim e zümftige Struubel um e Bötsch bloost, wie stark der Zäämehalt isch. Soo wies uusgseet, bruuchts bin e baar vo de Grüene Baaselbieter nummen es lääis Windli und scho wäärde d Seegel gstriiche. Sii, wo vill über zäämeheebe und lieb syy mitenand schwaudere. E guete Stüürmaa und e gueti Bsatzig zäige sich denn, wenn s äinisch e chlyy chutted und wäägedäm nit graad in d Rettigsboot seckle.
Struubel = heftiger Sturm
Bötsch = Kopf
lääi = lau
schwaudere = schwafeln
