Iich ha zwee nöi Chnopfbatterie müese haa. Dermit die yyhäimische Gwäärpler nit zue Falliter wärde, han iich die Batterie biim hiesige Chreemer gkchaufft. So wytt, so guet. E baar Dääg drufaabe hed my Liebschti die gnau glyychligi Batterie biim Grossverdäiler yygkchaufft – zum halbe Bryys. S Verruckte draa isch, as myyni Batterie im Noochberdorff gmacht wäärde und die, wo my Frau boschted hed, chömmen us em Dütsche. Wenn daas so wytter goot, gnaag glyy iich am Hungerduech und der yyhäimisch Gwäärpler läischted sich, dank däm, as iich d Batterie bii iim chauff, e niigelnaagelnöie Schlitte.
Fallit = Bankrotteur
niigelnaagelnöi = brandneu
