Iich chumm efang nümme nooche mit Verstoo. Alsfott mee sett iich nämmlig irgend öbber oder öbbis verstoo. D Muslim sett iich verstoo, au wenn sii grad nöimen e Hütten in d Luft spränge. Denn han iich z verstoo, ämmel wenn s noone baar drümmlige Alberistudänte z Züri goot, as me nöi sett Menschin statt Mensch schryybe. Schyysseglyych, was für e Brunz verzellt wird, iich wird immer wiider bätte doch bittschöön z verstoo. Derbyy han iich zwüscheduure scho gnueg Müei my Frau z verstoo. Es isch zum verrukcht wärde. Vor luuter die andere brobiere z verstoo, verstand iich mii öbbe jetz denn glyy sälber nümm. Iich mues emool my Frau frooge, öb sii mii no verstoot.
Alberi = einfältiger Mensch
schyysseglyych = egal
