Es isch numme son e Gedanke gsii, won em Noldi vom Chlöpfgatterhoof noonem Bsuech bim Suter Alfred z Hämmikche in Chopf gschossen isch. Me hets glääse: Däm arme Gropp rütscht noodysnoo der Hübel hinderem Huus in d Stube. Schon e mängs Joor kchampled der Suter mit em Kchantoon, as äntlig öbbis bassiert und iim käi Wasser me in Chäller laufft. Aber d Regierigsröötene Pegorara hed käi Muusigghör für dä Buur am Wischbäärgg. Und das isch daas, wo der Noldi e chly stutzig macht. Will sich ächt d Jumpfere Regierigsroot d Finger nit verbrenne so churz vor de Waale? Chönnt emänd scho no syy, dänkcht der Noldi und schüttled der Chopf.
Hämmikche oder Groppe = Hemmiken
noodysnoo = nach und nach
kchample = streiten
