Jeede Schurnalischt hed syyni Dröim. Es git deere, wo wäi der «Pulitzer- Preis» günne oder «Journalist des Jahres» wäärde. Und denn gits no dä Redakzionell Mitarbeiter vonere Zyttig im Ooberbaaselbiet. Dä isch zfriide, wenn är darf go Adwäntsfänschter fötele. As är derbyy vo bööslächtige Bäffzgi fascht verrisse, vo guraschierte Familievättere as Chinderschänder us em Gaarte gjaggt und schlussemäänd no vo der Schmiir aaghalte wird, stört dä dapferi Fottigraaf nit. Wichtig isch: s isch Wienecht und alle häi enander gäärn – mit oder ooni Adwäntsfänschter. Das isch allwääg au im nöie Joor nit anderscht. Miir wäi luege.
bööslächtig = böse
Bäffzgi = ständig bellender Hund
guraschiert = mutig
