Jeesis, isch das s letscht Wuchenändi e Wiirpel gsii im Ooberbaaselbiet – em Oberer sy Samschtig-Kolumne in der Baasler Zyttig hed gfeelt. Duraane sy Lüt in de Döörffer ummegiirt, uf der Suechi noo der verloorene Kolumne. Sii häi sich d baz, ämmel die wo se no aboniert häi, us de Hände grisse, will sii häi welle luege, öb emänd nummen in iirer Zyttig das Gschrybsel feeli. Denn hets no deere gee, wo gmäint häi, as Zyttigmacher us der Stadt us Verrückti über die verlooreni Fusioonsapstimmig se nit apdruckt häige. Iich cha alli berueige. Yggs es Gjufel bii der Baasler Zyttig hed derfür gsoorggt, as das Mäischterwärch nöimen under d Reeder choo sich. Iich nimm emol aa, as die Wuche wiider alles im Sänkchel isch.
Wiirpel = Aufregung
yggs = irgendein
Sänkchel = Lot
