Früener hed men no käi deeren Ungmach ghaa, wääge «Bett und Moorggenässe». Äifach dorum, will men no nit so vill in der Wältgschicht ummegräist isch und d Brootbröcheli no dehäi in Gaggoo dunggt hed. Isch aber doch äinisch son e Granitzler vor der Dür gstande und hed e Mocke Chees welle, hed der Huusheer hinder der Chunscht füre gäitsched: «Läng d Achs und gib em». Den hed der Granitzler sy Granitzlerchischte gwschind wiider aagläit und isch dervoogseckled. Soo isch das gsii – halt.
Granitzler = Hausierer
Bett und Moorggenässe = Bed an Breakfast
Brootbröcheli = Brotstückchen, die man in den Kaffee oder Kakao tunkt
gäitsche = schrill schreien
Granitzlerchischte = vom Hausierer an zwei Tragriemen getragene Rückenkiste mit zahlreichen Fächern
