Doo schloot jeedes Brieffmarke-Sammlerhäärz hööcher: D Boscht hed e Brieffmarken uusegee, wo men uf em Blattespiiler cha apspiile. Doo häi sicher e huffe Gluuri mitere soumeessige Gschlöiji drüber ghiirnet, bis sii die Marke gräch ghaa häi. Günschtig isch s allwääg au nit gsii – nimm iich emol aa. Äigedlig wers miir aber lieber, die z Bärn würde drüber noochedänke, was me cha dergeege mache, as d Boscht nit erscht am äis bii miir im Brieffchaschten isch. Aber woorschyynlig isch das en anderi Apdäilig, und die vo der Brieffmarken-Entwickligsapdäilig wüsse gar nit, as under der Wuche no Boscht verdäilt wird.
Gluuri = schlauer Mensch
Gschlöiji = Intelligenz
gräch = fertig
