Velicht düüschts numme, aber mii dunkts, as e Däil vo de Baaselbieter Regierigsrööt scho jetz an d Waale vom nächschte Hoornig dänke. Statt zügig fürschi z mache, stüüdele sii alsfott mee Entschäid uuse, wo scho längschents sette gfellt syy. D Ufkläärig vo der Honorar-Affääre oder d WB-BLT-Fusioon syy numme zwöi Byspiil. Äigedlig häi miir die Daame und Heere gweelt, as sii entschäide. Daas isch velicht au der Grund, as me uf der website vo öisere oberschte Bouscheffin under «aktuelles» käini Yydrääg (Stand: der 14. im Höimooned 2014) findet. Aber sii hets jo no guet. Wäiss sii nämmlig nümm wytter, cha sii der Direkter vo der Baaselbieter Wirtschaftschammere um Root frooge.
uusestüüdele = hinausschieben
alsfott mee = immer mehr
Höimooned = Juli
