Eewiggeschtrigi, Hinderwäldler, Buuredrottel – all daas und non huffe mee wird emene Fusioons-Geegner vomene Däil Stedter an Chopf bängled. Und jetz daas. Jetz sell e Zürcher Höigumper – em Naame nooch isch är allwääg käi yygfläischte Zümpfter – schuttimeessig mit de Bebbi fusioniere. Nundefaane, jetz isch aber s Gstürm loosgange. Die aagfrässene Zuttel, daas syy die, wo mäischtens es schwarzis Lyybli mitere Kchapuzze drääge, häi doo wie d Syydiane. Dä welle sii nit. Daas bedütti Chrieg. Sii welle däm Zürcher zümpftig d Hüener yydue, as däm glyy verläidi z Baasel z schutte. Wenn men esoo öbbis ghöört, frogt me sich as Rammel scho, wo jetz äigedlig die zruggbliibene Schlaabi hocke.
Zuttel = geistig Zurückgebliebene
Syydian = Übergeschnappter
Schlaabi = dumme Menschen
