No häi miir nit apgstimmt und scho isch s erscht Mool Füür im Dach. Scho goot d Strüssede loos, wär as äinisch d Hauptstadt vom nöie Kantoon Baasel darf/muess/chaa/sett syy. Der Lieschtler Breesi mendet, as das numme sys Stedtli cha syy. E Däil in der Stadt stelle der Chamben und frooge sich, öb d Rammel stoober syge – das chönni doch numme d Stadt Baasel sy. Heerlig, wie doo mit de gäischtige Zwöihäänder ummegfuchtled wird. Iich fröi mii scho – sette miir denn äinisch «ein Basel» syy
– wenn sich d Politiker uf e Grind gääbe. Denn, wenn s nämmlig drumm goot, d Helfti vo de Baasler und Baaselbieter Regierigsrööt in d Wüeschti z schicke.
Strüssede = Streit
stoober = verwirrt
