Sit nüün Dääg schutte sii jetz z Brasilien ääne. Alles schwätzt vo de detowierte Schütteler und käi Sou kümmered sich um die, wo vorem Fäärnsee zueluege. Sii hocke wie halbhiinigi Hüener uf em Hüenersäädel und glaaren öbben acht Stund am Daag in d Chischte. Iich gsees jo bii öisem Praktikant, wies uusechunnt. Jeede Daag chuunt er e chlyy apgchämpfter ins Gschäft und bruucht öbbe siibe Red Bull, as er biim Schaffe nit zäämebricht. Dorum: die richtige Kärliburschte sy die, wos e Mooned vor em Fäärnsee ushalte, ooni derbyy duurezdrülle. Iich nimm emol aa, as öise Praktikant e soon e Burscht isch.
Hüenersäädel = Sitzstange im Hühnerstall
glaare = glotzen
