Au wenn jetz Ooschteren isch – äinisch isch gräch mit Nächschteliebi. Drumm chan iich au der Baasler Chillerootsbreesi und Münschterpfaarheer verstoo, as er dä fremd Fötzel von sym Parkblatz bim Münschter gstöikt hed. Wo cheemte miir au aane, wenn jeede Granitzler sy Gutsche würd uf e Parkblatz vom Pfaarer stelle? Nääbenyyne: Glyych goots alben em Noldi vom Chlöpfgatterhoof. Dä wird au fuchsdöifelswild, wenn äini vo syyne Chüe an falsche Blatz tschalpped. E Gingg as Bäi, und sii wäiss ums Ummeluege, wo iire Blatz isch.
gräch = fertig
Granitzler = Hausierer
