Immer non e groossi Jascht wägen e baar Drottle, wo z Salzburg Zügs ufs Spiilfäld bänglet häi. Joo, me chönnt au mäine. Dryygschlaagen und Dryybängled isch scho allewyyl worde. Nummen äis chlyys Byspill. Syy früener d Magdener albe bii de Chruttlämpe z Danz gangen und häi sich derbyy an d Mäitli aanegmacht, isch s zümftig zue und hääre gange. D Wintersinger häi die fremde Fötzel ooni lang Fääderlääsis z machen in Magdenerbach gheit und mit lange Stäcke soo lang dunngt und gstoosse, bis die wiider uf Magdenerboode gsii sy. Aso, käi Ufreegig wägen e baar Güggli «Capri-Sonne», wo ufs Spiilfäld fliege.
Jascht = Aufregung
Chruttlämpe = Übernahme für die Wintersinger
