Iich has gsee choo. Alsfott mee will me de Fläischässer jo s Gottlett, der Sunndigs-Brootis oder der Schniifel Schwartemaage verbiete. Guchts nach e baar aagfrässene Chörnlibicker, chunnt me in de Bäize glyy numme no Grüenchäärn-Tätschli, Haaberbappe, Wäizechörnerrisotto oder sünscht eso apsunderligs Züüg über. Woorschyynlig us luuter Angscht, will sii allwääg glyy müesen uf iires Gnaagi verzichte, häi jetz e baar Aagstellti vom Baasler Unispidaal us em Chuchichüelruum Fläisch gstybizt. Sii häi allwääg s Sprichwort: «Klaue in der Zeit, dann hast du in der Not», e chlyy z ärnscht gnoo. As Stroof gnaage die jetz woorschyynlig ufemene drochnige Chueringgel umme.
alsfott = unablässig
Haaberbappe = Haferbrei
