D Spröierhüffeli ligge baraat und d Durnerwäädli sy yygsaalbet. D Äier für en Äierlääsed sy äis ums ander schöön gattlig aanebiige. Es wird dischpidiert, wär as ächt hüür am gschnällschte duuren isch mit Äier uflääse und in d Spröierzäine schiesse. Derbyy goot öbbis Wichtigs vergässe: Niemer, aber au gar niemer dänkt an die, wo d Äier uf de Hööf yygsammlet häi. Nit die, wo d Äier in der Geegend ummebäängle, sy d Siibesieche. Näi, die woore Badroon sy die, wo mit de Hoofhünd gchämpft, mit em Buur zäämen e halbi Guttere Bätziwasser drunke und noochaanen alli Hüeneräier häil zrugg ins Dorf brocht häi. Äifach, as das emol gsäit isch.
Badroon = richtiger Kerl
Bätziwasser = Branntwein aus Kernobst
