Do gseech me numme, wie wichtig as isch, as der «Carlos» wiider in d Thaibox-Schuel chaa, hed der Noldi vom Chlöpfgatterhoof gmendt. Wie gschnäller, wie besser. Dört leert er nämmlig öbbis fürs Lääbe, hed ämmel sy Thaibox-Leerer gsäit, wo jetz mitemene verdraschaagede Mölderi im Spidaal lyt. Der Noldi häigi mit syne 74 Joor zwar au s Gfüel, er versteechi e chlyy öbbis vom Lääbe. Sit er aber glääse häigi, wie die z Rynech bi däm Überfall enand uf d Grinder gee häige, häig au er verstande, wies im richtige Lääbe zue und hääre giengi. Drum sygs wichtig, as der «Carlos» so gschnäll wie mööglig wiider an die Thaibox-Schuel zrugg giechi – as er äntlig öbbis Gschyyds fürs Lääbe leert.
verbuggled = verbeult
verdraschaaged = verunstaltet
