Jeedes Mool, wenn z Sissech Määrt isch, froog iich mii, was für Lüt as das syy, wo bimene Määrtfaarer Chläider chauffe. Früener, joo. Do sy d Buure jo no in Schaaren us de hinderschte Chrääche z Sissech an Määrt choo. Häi Myyder, Chüttel und buechigi Hoose chroomed. Aber hütte? Aber ooha Lätz! Won iich esoo über e Määrt bummled bii, isch miir e Stand uufgfalle, wos Spaaledoorhoosen im Aagebott gha hed. Jetz froog iich mii nümme, wär am Märt Chläider chaufft – jetz froog iich mii: Wär um himmelsgottswille hed hütte no deere Hoosen aa?
Spaaledoorhoose = Achtung: altmodische, im Schritt offene Frauenunterhose, deren gelappte Stösse an die Zinnnen der Spalentor-Rundtürme erinnern
ooha Lätz = Halt
