Jetz ischs doch uschoo: Voremene Rung hed nämmlig Tschuggerei der eehemoolig Bischof vo Lugano verwütschd, won er vill z schnäll über d Autibaan gfrötzd isch. Er syygi mit de Gedanke nöimen anders gsii und häigi nit achtig gee, wie schnäll er faari, hed er as Uusreed gsäit. Dr Radar-Blitz häigi iin denn aber zrugg us syyne Gedanke ghoolt – e Wätterläich scho fascht wien en Erlüüchtig! As Strooff häig er drüberaabe drei Mooned müese z Fuess goo, was jo äigedlig nit so schlimm isch. Sy Scheff isch jo schlussemänd au z Fuess übere See Genezareth gwandled. Iich cha dä 77-jöörig Seelsorgger verstoo, wenn er in sym Auti hockt und gedankeversunken ufs Gaas drückt. Schlussemänd isch daas, wo zwüschenyyne in der kadoolische Chilche bassiert, schon e chlyy zum us der Hut faare.
frötze = schnell fahren Wätterläich = Blitz
