Iich han iim unrächt doo und will mii doo bii iim exgüsiere. Iich mues aber au sääge, as iich mii schon e baar Mool schuurig ufgreggt haa. Denn nämmlig, wenn d Zyttig nit zur Zytt im Briefchaschte gsii isch. Wo wiider emol d Moorggelekdüüre nit umme gsii isch, han iich em Zyttigsverdrääger apbasst. Noon emene Rung isch er uf emene Pfupfer aanegfaare. Won iich iim ha welle so z grächtem s Gurli fiengge, nimmt dä Burscht der Helm ab und lacht mii aa, as syni wysse Zeen numme so blizt häi. Won iich iin gfroggt haa, wohär er denn in dreidüüfelsnaame cheemi, säit er: us Sri Lanka. Jetz verstand iich au, worum as mängisch so lang goot, bis d Zyttig im Briefchaschten isch.
Sich verexgüsiere = sich entschuldigen
Pfupfer = Moped
