Sell me jetz oder sell me nit apdryybe? Und wenn joo, wär zaalts? Das beschäftiged au der Bischof vo Chur. Aber velicht isch alles anderscht und er will vo öbbis ganz anderem aplänke. Aplänke, as der voorhärig Pabscht in syne zwöi letschten Amtsjoor fascht 400 Pfaarheere entloo hed, will die schyyns an chlyyne Bueben ummedööpled häi. Aber jetz cha me natüürlig, und das wäiss der Bischof vo Chur sicher au, en Apdryybig nit mit Chindsmissbruuch verglyyche. Letschtamänd isch jo käin vo deenen aarme Bueben in d Hoffnig choo – und esoo cha men as kadoolischen Ooberhirt allwääg au guet gegen Apdryybige syy.
letschtamänd = schliesslich in der Hoffnig syy = schwanger sein
