Er hed in der Schuel alsfott mee der Rappel ghaa und hed afo Zläid wäärche, wos numme gangen isch. E huffe Leerer, Psüchiater, Psüchologen und süscht non e baar Gsundbätter häi sich um dä 13-jöörig Schneesäicher gchümmered. Sii ha alles brobiert, as dä Burscht wiider uf e rächte Wääg chunnt. Langsaam hed sich dä Göiggel bsunnen und isch wiider e chlyy normaaler worde. Fröidig hed miir sy Muetter gsäit, es geechi wiider ganz oorteli mit iirem Suun. Er chiemi nümme z spoot, häigi d Uffgoobe gmacht und näämi am Underricht däil. Mii dunkts, das weeri äigedli normal. Soo wies uusgseet, sy mir, wenn s um Diszyblyyn und Aastand in der Schuel goot, zimmlig bischäide worde.
Rappel = Misslaune
Schneesäicher = junger Bursche ohne Energie
