Heerlig. Am Samschtig hed me z Sissech wiider so äinisch richtig chönne d Sou uuseloo. Und soo, wies uusgsee hed, isch au e mängi Sou underwäggs gsii – soozsääge! Me hed nämmlig chönne – äigedlig e souglatti Sach – zwüsche föif Bäize hii und häär gwaggle. Aber wie überall hets in jeedere Rotten e baar Souchäibe drunder – halt wie inere richtige Soudryybede. Am Baanhoof hets ämmel am Daag druuf uusgsee, as hät me wellen e Häärte Wildsöi in Veewääge verlaade, und die hätte vor luter Angscht uf e Boode gaggled.
soozsääge = sozusagen
Soudryybede = Sauherde
